3-с республикатаа5ы фестиваль "Славим дружбой и трудом край Олонхо!"

3-с республикатааҕы фестиваль "Славим дружбой и трудом край Олонхо!" - диэн түөрт сылга биирдэ үлэ, идэлээх сойуустар икки ардыларыгар ыытыллар уус-уран айымньы бэстибээлэ. Тэрийээччилэр СР профсоюзтарын федерацията, СР культураҕа уонна духуобунаска министерствота буолаллар.

Быйылгы үһүс бэстибээл Саха сиригэр идэлээх сойуустар тэриллибиттэрэ 95 сылыгар ананан барда. Бэстибээл II-с тууругар Нам улууһун биэс идэлээх сойуустара: үөрэх, култуура, эмп, тыа хаһаайыстыбатын судаарыстыбаннай сулууспатын үлэһиттэрин идэлээх сойуустара кытыннылар. Түмүккэ I миэстэни үөрэх үлэһиттэрин, II - култуура, III - эмп үлэһиттэрин идэлээх сойуустара ыллылар.

Култуура үлэһиттэрин кэнсиэриттэн дьүүллүүр сүбэ уонна республикатааҕы идэлээх сойууспут кэмитиэтиттэн солбуйааччы бэрэссэдээтэл Михайлова В.Г., «Кулаковскай аатынан Норуоттар доҕордоһууларын дьиэтин” кылаабынай специалиһа Адамова С.С., "Голос профсоюза " хаһыат редактора Андреева Е.В. сыаналааннар 4 нүөмэр: хоһоон - Хамаҕатта "Түһүлгэ" СК үлэһиттэрэ толорууларыгар Харитонова А.А. туруоруутугар, фолклорнай бөлөх - "Хомус" СК эдэр үлэһиттэрин толоруутугар, салайааччы М.Д. Аргунова Партизан нэһилиэгиттэн, А.Ф. Шестаков аатынан Нам сэлиэнньэтин СК хореограва Попова М.С. туруоруутугар "Оһуохай түһүлгэтэ" үҥкүү, нэһилиэктэргэ культура тэрилтэлэригэр үлэлиир ыччаттар мустан үҥкүүлээтилэр, уонна Татаринов А.И. салайар "Добун" эр дьоннор квартеттара "Ыллыах Ылдьааны".

Дьокуускай куоракка бэстибээли түмүктүүр туурга 3 нүөмэр киирэн ситиһиилээхтик кыттан республикатааҕы идэлээх сойууспут, 17 отраслевой идэлээх сойуустар кыттыбыттарыттан бириистээх III мистэни ылан үөрүүбүт өссө үрдээтэ. Ити ситиһиигэ биһигиттэн киирэн кыттыбыт нүөмэрдэр кылааттара эмиэ баар.

Икки нүөмэрдэр фестиваль дипломаннара буоллулар: "Добун" эр дьон квартета III-с степеннээх, Үҥкүү кэллиэктиибэ II-с степеннээх.

Информацияны биэрдэ:

культура үлэһиттэрин идэлээх союһун Нам улууһунааҕы

кэмитиэтин бэрэссэдээтэлэ Горохова Р.Н.