Мелодист - айар улэhит

Дьокуускай куоракка, Саха театрын аччыгый саалатыгар, сэтинньи 29-30 күннэригэр ""Ассоциацияттан сойууска - 25 суол" диэн улахан үбүлүөйдээх тэрээһин чэрчитинэн республика биллиилээх мелодистара араас улуустартан тоҕуоруһа муһуннулар.

"Саха ырыата кэм - кэрдии тэтиминэн" научнай -методическай конференция буолла. Конференцияҕа "Музыка для всех" проегы сайыннарыы - У.А.Винокурова, "Ассоциация - саха ырыата сайдарыгар олуктара"- А.К.Калининскай,"Сойуус айар суолунан" - А.В.Егоров, Авторское право"- Г.Г .Прокопьев, "Мелодист - айар үлэһит"- А.А.Моргусов, "Претворение традиционных стилей пения в песенном творчестве якутских композиторов и мелодистов"- Чаянда Скрыбыкина, "Ырыа уран тылынан"- Н.Винокуров - Урсун,"Проблема репертуара для вокальных коллективов"- В.С.Жирков,"О5о коллективтарыгар репертуары талыныы"- В.С.Парников,"Саха ырыаларын сборниктарын коллекцията" - М.Васильева - темаларга санаа атастаһыылаах интэриэһинэй кэпсэтии буолла.

Киэһэтин 6 чаастан, Оҕо дыбарыаһыгар "Сахам сирин туойабын" улахан кэнсиэр тэрилиннэ. Саха Республикатын улуустарыттан уопсайа 35 мелодист ыллаата - туойда. Нам улууһун Хамаҕаттатыттан Надежда, Михаил Макаровтар уонна Татьяна Гаврильева кыттыыны ыллылар, Саха ырыатын сайдыытыгар кылааттарын сыаналаан, Саха Республикатын Ырыа айааччыларын сойууһун махтал суругунан наҕараадаланнылар.