Улусный конкурс "Авто-Леди-2017"

Сааһы көрсүү бастакы үөрүүтүн, тапталы, истиҥ иэйиини түмэр - Дьахталлар Аан Дойдутааҕы бырааһынньыктарыгар анаан кулун тутар 7 күнүгэр улуустааҕы "АвтоЛеди-2017" күрэх иккис төгүлүн Хамаҕатта нэһилиэгин "Түһүлгэ" сынньалаҥ киинигэр ыытылынна.

Бу күрэххэ олох хаамыытын кытта тэҥҥэ хардыылыыр билиҥҥи кэм кэрэ аҥардара кытталлар.

Кинилэр сарсыардаттан улуустааҕы «АвтоЛеди» күрэх бастакы этабыгар кыттан массыына ыытыы маастарыстыбатыгар, массыынанан суолга сылдьыы быраабылатыгар билиилэрин тургутустулар. Онтон күрэспит иккис этабыгар "Түһүлгэ" сынньалаҥ киинин сыанатыгар, биэс түһүмэхтээх көрүүгэ тахсыбыттара.

Бу уустук күрэххэ уопсайа 4 нэһилиэктэн 5 кэрэ аҥар, үрдүк таһымнаахтык кытынна, бэйэлэрин холоннулар.

1. Максимова Алла Борисовна – Нам.

2. Кулешова Нария Васильевна – Аппааны.

3. Корякина Мария Саввична – Хамаҕатта.

4. Парникова Диана Руслановна – Партизан.

5. Торопова Любовь Николаевна – Хамаҕатта.

Дьүүллүүр сүбэ састааба:

Максимов Иван Николаевич – “Хамаҕатта нэһилиэгэ” МТ баһылыга;

Павлова Ольга Александровна – Нам улууһун ГИБДД-тын сотруднига;

Степанова Татьяна Николаевна – Улуустааҕы дьиэ кэргэн уонна ыччат политикатын управлениятын начальнига.

Маркова Любовь Михайловна – Нам улууһун дьахталларын сэбиэтин председателэ.

Соловьева Екатерина Андреевна – Улуустаа5ы “Автоледи - 2016” кыайыылааҕа.

Конкурсу ырыанан – тойугунан киэргэттилэр нэһилиэкпит “Эркин” эр дьон ансаамбыла, ону сэргэ Хамаҕатта нэһилиэгин тэрилтэлэриттэн эр дьон эҕэрдэлээтилэр.

Күрэх түмүгэ:

- Корякина Мария Саввична – Хамаҕатта "Бастыҥ тарҕатааччы", "Бастыҥ суоппар","Гран-При" хаһаайката;

- Максимова Алла Борисовна – Нам I миэстэ;

- Кулешова Нария Васильевна – Аппааны III миэстэ;

- Парникова Диана Руслановна – Партизан II миэстэ, "Бастыҥ киэргэтии", "Суол быраабылатын бастыҥ билээччи";

- Торопова Любовь Николаевна – Хамаҕатта "Көрөөччү биһирэбилэ".