Аан дойдуга Үҥкүү күнүн көрсө

Муус устар 28 күнүгэр «Музыка алыбар уйдаран» "Ретро Данс" бальнай үҥкүү народнай коллективын отчуоттуур концера үрдүк таһымҥа буолан ааста.

Аан дойдутааҕы үҥкүү күнэ – бу искусство биир көрүҥэр ананар бырааһынньык үөрүүлээх күнүн сылын аайы муус устар 29 күнүгэр бэлиэтииллэр. Үҥкүү күнүн аан бастаан ЮНЕСКО аан дойдутааҕы сэбиэтэ 1982с-ха олохтообут. Франция балетмейстера, балет реформатора Жан Жорж Новерр төрөөбүт күнүгэр, «Отец современного балета» аатын ылбыт киһи чиэһигэр бэлиэтэнэр эбит.

Бу күн кыттыыны ыллылар:

- «Дьүөгэлэр» народнай вокальнай ансаамбыл. Салайааччы ССРС культуратын туйгуна, СР культуратын Үтүөлээх үлэһитэ Елена Кутукова.

- I -Хомустаах нэһилиэгиттэн «Чэбдик» эти-сиини чэбдигирдэр үҥкүү бөлөҕө. Салайааччы СР үөрэҕириитин туйгуна Татьяна Филиппова.

- Намнааҕы З.П Винокуров аатынан оҕо искусствотын оскуолатын фольклорнай кылааһын преподователэ, олоҥхоһут, оһуохайдьыт, ырыаһыт Елена Иванова.

Үлэ үөрүүтүн, олох амтанын билбит аҕам саастаах дьон, эдэр эрчимнээх көлүөнэлиин бииргэ тутуспутунан үөрэ-көтө үҥкүүлүү сылдьалларын көрбүт эрэ сөҕө-махтайа көрөр көстүүтэ буолла.

Ааспыты санаттылар, уруккуну өйдөттүлэр, долгутуулаах көстүүнү умнулла быһыытыйбыт сэбиэскэй кэминээҕи уонна 60-70 сыллардааҕы үҥкүү көмүс фондатыттан бэлэхтээтилэр “Ретро-Данс” үҥкүү народнай коллектива!