РЕСПУБЛИКА КYНЭ

Муус устар 27 күнэ Саха норуотун историятыгар ураты суолталаах бэлиэ күн. 1922 сыллаахха бу күн саха норуотун чулуу уолаттара Максим Аммосов, Былатыан Ойуунускай, Исидор Барахов Саха сирэ автономия буоларын ситиспиттэрэ! Ол Саха омуга сайдыытыгар улахан төһүү күүс, бигэ тирэх буолбута.

Бу үөрүүлээх бэлиэ күҥҥэ «Түһүлгэ» сынньалаҥ киин аҕам саастаах дьоҥҥо болҕомто ууран «Эдэрдии сайаҕас дууһаҕын кырдьарга үөрэтэ сатаама» диэн үҥкүү коллетивтарыгар улуустааҕы күрэҕи аан бастаан тэрийдибит. Бу тэрээһиммитигэр чөл өйдөөх-санаалаах, бигэ тирэхтээх, саха норуотун үгэстэрин ыччаттарыгар иҥэрэ сылдьар, төһө да саас ыллар урукку сиэрдэринэн илиилэрин үлэттэн араарбакка, сүөһү ииттэн, уопсастыбаннай үлэ бары эйгэтигэр актыыбынайдык кытта сылдьар, олоҕу кытта тэҥҥэ сарсыҥҥыны саргылаһар, дойдубутун сайыннарарга көмө-тирэх буолар аҕа дьоммутун бу сыанаҕа, үҥкүү кэрэ эйгэтигэр астына көрдүбүт. Уопсайа 7 коллектив, 71 киһи кыттыыны ылла.

Күрэхпитин киэргэттилэр «Эҥсиэли Оһуохайа» түмсүү, салайааччы Евсеева Татьяна Ивановна.

Дьүүллүүр сүбэ састааба:

1. Хамыыһыйа бэрэссэдээтэлэ: З.П. Винокуров аатынан Намнааҕы оҕо музыкальнай оскуола филиалын үҥкүүгэ преподавателэ Сивцева Анастасия Егоровна;

2. Хамаҕатта нэһилиэгин бэтэрээннэрин сэбиэтин бэрэссэдээтэлэ Дорофеева Екатерина Герасимовна;

3. «Хамаҕатта нэһилиэгэ» МТ баһылыгын солбуйааччыта Олесов Касьян Афанасьевич;