КИМ ДА УМНУЛЛУБАТ, ТУОХ ДА УМНУЛЛУБАТ!!!

Ыам ыйын 8 күнүгэр 2017 сыл Улуу Кыайыы 72 сылын үөрүүлээх тэрээһинэ буолан ааста.

Быйылгы парадка Улуу Кыайыыны уһансыбыт, биһиги ортобутугар суох буолбут сэрии ветераннарын, өйдөөн-санаан хаартыскаларын тутан "Бессмертный полк" буолан хаамыстыбыт.

- "Кыайыы саллаатын" пааматынньыгын иннигэр үөрүүлээх миитин буолан ааста.

- «Улуу кыайыы – Улууканнаах суолтата» дакылааты оҥордо “Гражданскай килбиэн” бэлиэлээх, СР Норуотун хаһаайыстыбатын үтүөлээх үлэһитэ, Хамаҕатта нэһилиэгин, Нам улууһун Ытык киһитэ Захаров Николай Дмитриевич.

- Өрөгөйдөөх Кыайыы үөрүүтүнэн нэһилиэк баһылыга Максимов И.Н эҕэрдэлээтэ, наҕараадата туттартаата.

- Үөрүүлээх тэрээһин кыттыылаахтарын «Полевой хааһынан» күндүлээтилэр «Сарыал», “Кытылчаан” оҕо саадтарын үлэһиттэрэ.

- Бу күн “Эйэлээх олоҕу тутуһан, күүрээннээх үлэҕэ турабыт!”. «Түһүлгэ» сынньалаҥ киин иһинэн үлэлиир куруһуоктарга, уһуйааннарга дьарыктанар Хамаҕатта нэһилиэгин араас көлүөнэ дьоно, уус-уран самодеятельность активистара - ымыылаах ырыаһыттара, айар куттаах мелодистара, үөрдэр үҥкүүлээх үҥкүү коллективтара, тыыннаах доҕуһуолга оонньуур ыччаттарбыт, ону тэҥэ сатаан саҥарарга, артыыстыырга үөрэнэр оҕолорбут - сайдыыга талаһар сайаҕас дьоммут сыанаҕа таҕыстылар, отчуоттуур концерпытыгар кыттыыны ыллылар. Уопсайа 75 киһи кыттыыны ылла.