Ыам ыйын 23 күнэ - Саха Республикатыгар «Ырыа күнэ»

Ыам ыйын 20 күнүгэр «Түһүлгэ» сынньалаҥ киинэ Хамаҕатта нэһилиэгин ыллыыр-туойар оҕолоругар анаан иккис сылын ырыа күрэҕин үгэс быһыытынан ыытта.

Күрэҕи арыйда 2016 сыллаах Ырыа күрэҕин кыайыылааҕа, ГРАН-ПРИ хаһаайката, Эмилия Никитина.

Дьүүллүүр сүбэ састааба:

1. Захарова Сардаана Михайловна – Хамаҕаттатааҕы оҕо музыкальнай оскуолатын фортепиано кылааһын преподователэ , дьүүллүүр сүбэ председателэ

2. Новгородова Светлана Софроновна – олохтоох мелодист

3. Олесов Касьян Афанасьевич – Хамаҕатта нэһилиэгин баһылыгын солбуйааччыта.

• Уопсайа 61 оҕо кыттыыны ылла.

Ырыа күнүгэр аналлаах “Ыллыыр туойар оҕо саас”

«Хамаҕатта нэһилиэгэ» МТ иһинэн ыытыллар оҕолорго ырыа күрэҕин балаһыанньата.

Тэрийэр бөлөх: «Хамаҕатта нэһилиэгэ» МТ, "Түһүлгэ" с.к.

Буолар сирэ: "Түһүлгэ" с.к.

Буолар кунэ, ыйа: Ыам ыйын 20 күнүгэр, 16 чаастан.

Фестиваль сыала-соруга:

• Сыанаҕа холкутук сылдьарга, сценическэй культураҕа үөрэтии;

• Үүнэр ыччакка дойдуга тапталы, киэн туттууга иитии

• Улуус мелодистарын билиһиннэрии, ырыаларын тарҕатыы;

• Дьоҕурдаах, талааннаах оҕону бэлиэтээн таһаарыы, сайыннарыы;

Кыттыыны ылаллар: Хамаҕатта нэһилиэгин 7-13 саастарыгар диэри оҕолор биирдиилээн уонна бөлөҕүнэн кытталлара көҥүллэнэр.

Сыаналанар: сценическэй культурата, толоруу маастарыстыбата, ырыа ис хоһоонун биэриитэ, таҥаһа-саба.

Ирдэнэр:

1. Нам улууһун эбэтэр олохтоох мелодистар ырыаларын толоруу.

Наҕараадата: икки группанан I|, II, III миэстэлэр, ону таһынан олохтоох мелодистар анал ааттара олохтоноллор.