«Эhигинниин, бар дьоммунуун, барҕарар олоҕу айабыт»

Алтынньы 14 күнэ 18 чаастан «Түһүлгэ» сынньалаҥ киин үлэтин сезонун саҕалыыр «Эһигинниин, бар дьоммунуун, барҕарар олоҕу айабыт!» тэрээһин Хамаҕаттабыт

олохтоохторугар буолан ааста.

• «Түһүлгэ» сынньалаҥ киин инники үлэтин былаанын сырдатта уус-уран салайааччы Гаврильева Т.М.

• «Үлэнэн өрүллэр хас биирдии күн үтүөтэ» нэһилиэккэ үлэ саҥа көрүҥэ, тэрилтэлэр сонуннара. «Хамаҕатта нэһилиэгэ» МТ аҕа баһылыгын Максимов И.Н. иһитиннэриитэ, эҕэрдэтэ.

• Бу күһүн нэһилиэк баһылыктарын уонна олохтоох бэрэстэбиитэллээх уорган депутаттарын талыыга быыбар ыытыллыбыта. Манна быыбар ыытыллыытыгар Хамаҕатта нэһилиэгэр сүрүн үлэни №334 нүөмэрдээх Кириэс-Кыттыллааҕы быыбардыыр хамыыһыйа ылар. Быыбар үтүө түмүктэрин иһитиннэрдэ быыбар комиссиятын председатедя Харитонова А.А. Талыллыбыт депутаттар үрдүк сыанаттан санааларын, махталларын, эҕэрдэлэрин быыбардааччыларыгар тириэртилэр.

• Нэһилиэккэ кэллэ саҥа специалист. Нэһилиэкпит тэрилтэлэригэр кэлбит 5 саҥа специалистары кытта билсиһии буолла, кинилэр санааларын иһиттибит. Эдэрдэргэ саҥа үлэлэригэр ситиһиини, кыайыыны-хотууну баҕарабыт. Саҥа специалистары эҕэрдэлээтилэр ХОО үҥкүү куруһуогун иитиллээччилэрэ, сал. Дьячковскай А.Н.

• "Түһүлгэ" с.к. иһинэн тэриллибит «Ракета» тыыннаах доҕуһуол бөлөҕө эҕэрдэлээтэ сал. Петр Емельянов. Бас гитара - Максим Назаров, соло гитара - Виталий Никитим, охсор инструмеҥҥа - Дуолан Захаров, солистка - Наташа Заболоцкая.

• “Мин ийэм - мин дьолум, аанньалым, бу сиргэ төрөппүт таҥарам” ийэлэри эҕэрдэлиир саҥа проект буолла. Манна уопсайа алта ийэни ааттаан-суоллаан дьоҥҥо сырдатан кэпсээтибит. Оҕолор, сиэннэр үрдүк сыанаттан ийэлэрин, эбээлэрин истиҥ эҕэрдэлэринэн, сибэкки дьөрбөтүн утары уунан үөрдэн долгутуулаах ураты биэчэри киэргэттилэр.

Сынньалаҥ киин үлэтин кытта ситимнэһэр биир дойдулаахтарбыт кэлэн, сэргээн, сэҥээрэн, махтанан бардылар!