«Отуу уота» литературнай түмсүү тэриллибитэ 50 сыла.

Намнааҕы «Отуу уота» литература түмсүүтэ тэриллибитэ 50 сылын А.Ф. Шестаков аатынан сынньалаҥ киинигэр үрдүк үөрүүлээхтик бэлиэтээтилэр. «Отуу уота» өрөспүүбүлүкэ улуустарыгар үлэлиир литература түмсүүлэриттэн биир бастыҥнара, таһаарыылаахтык үлэлээччилэрэ, актыыбынай кыттыылаахтара буолалларын ааҕан истэн билэбит, үлэлэрин биһириибит.

Араас кэминээҕи дьоллоох, долгутуулаах түгэннэргэ Намнар киэн туттар дьонноро Николай Рыкуновтан саҕалаан, Баһылай Уһунуускай-Сэки, Александр Дунаев буолаллар. Биир дойдулаахтарбытын «Отуу уота» литературай түмсүү бэрэссэдээтэлин СР Суруйааччыларын сойууһун чилиэнин, поэт, СР Муниципальнай сулууспа туйгунун, Нам улууһун, Хамаҕатта нэһилиэгин ытык киһитин, мелодист А.Г. Дунаевы, СР Суруйааччыларын сойууһун чилиэнин, Нам улууһун, Үөдэй, Хамаҕатта нэһилиэктэрин Өрөгөй ырыаларын авторын Б.Б.Уhунуускай - Сэкини ааттаан-суоллаан "Түһүлгэ" сынньалаҥ киин аатыттан эҕэрдэлээтибит, дириҥ махталбытын тиэртипит.