"Эриэннээх кэпсэтии"

Сэтинньи 4 күнүгэр А.Ф. Шестаков аатынан сынньалаҥ киинигэр

Хамаҕатта нэһилиэгин көрдөөх кыргыттара Октябрина Попова, Татьяна Гаврильева

«ЭРИЭННЭЭХ КЭПСЭТИИ» концертарын Нам улууһун олохтоохторугар бэлэхтээтилэр. Концертка олохтоох автордар Борис Васильев, Светлана Кудрина айымньыларынан көрдөөх сценкалар, ырыалар, хоһооннор таҕыстылар.

• Попова Октябрина Ивановна Дьокуускайдааҕы культурнай сырдатар училище хореографическай отделениятын 1989 сыллаахха бүтэрбитэ. Чурапчы улууһун Хадаар нэһилиэгиттэн төрүттээх. Хамаҕаттаҕа кийиит. З.П.Винокуров аатынан Намнааҕы оҕо музыкальнай оскуолатын Хамаҕаттатааҕы филиалыгар кэнчээри ыччаты үҥкүү алыбар уһуйар. Имигэс илии хамсаныытын, истиҥ мичээр дьүөрэлэһиитин уустук идэтигэр үөрэтэр уһуйааччы – педагог. Н.Михалева – Сайа суруйбут “Дьахтар сырдык күһүннээх » диэн Октябрина ааҕар хоһоонугар этиллэринии, кини үөрэтиэхтээх оҕолоро, туруоруохтаах үҥкүүлэрэ, оонньоммотох оруоллара өссө да иннигэр. "За вклад в развитии МО «Хамагаттинский наслег»знак хаһаайката, СР Культуратын туйгуна.

• Гаврильева Татьяна Михайловна Хамаҕаттаҕа кийиит. Кэбээйи улууһун Куокуй нэһилиэгиттэн төрүттээх. Кини дэгиттэр талааннаах: сценарист, ведущай, ырыаһыт, артыыска, мелодист, Саха сирин мелодистарын союһун чилиэнэ. Ылсыста да кыайар, тиһэҕэр тиэрдэр. Сыл аайы бэйэтин сайыннарар, сайдар. Олохтон наар үчүгэй эрэ өрүтүн көрөр ураты хаачыстыбалаах. Олорор олоҕор, үлэтигэр сыал - сорук туруорунан, кимиилээхтик, сатабыллаахтык иннин диэки хардыылыыр күүстээх санаалаах киһи! “За вклад в развитии МО «Хамагаттинский наслег»знак хаһаайката, СР Культуратын туйгуна.