Олоҥхо дьиэтигэр «Симэх» арт-галерея быыстапкатын аһыллыыта

Сэтинньи 20 күнүгэр Намнааҕы Олоҥхо дьиэтигэр Саха норуота үйэлэртэн үйэҕэ илдьэ кэлбит иис-күүс ойуутун-дьарҕаатын билиһиннэрэ «Симэх» арт галерея быыстапкатын аһыллыытын "Түһүлгэ" с.к. сыһыарыллан умсугуйан, долгуйан ыыттыбыт.

Саха дьахтара иистэммит ииһэ-күүһэ, анньыбыт ойуута-дьарҕаата кустук өҥүнэн дьэрэлийэ оонньоон, дьэргэлгэн курдук дьиримниир быыстапка уйулҕабытын хамсатта.

«Симэх» арт-галерея быыстапка аһыллыытын аалай лиэнтэтин быстылар:

1. "Нам улууһа" МТ баһылыгын бастакы солбуйааччыта - Сивцева Инна Иннокентьевна

2. "Симэх" национальнай киин фондово-выставочнай отделын салайааччыта - Баишева Радамира Дмитриевна.

3. Нам улууһун, "Лиэнскэй нэһилиэк" МТ П.П.Ядрехискай-Бэдьээлэ аатынан "Олоҥхо дьиэтэ" духуобунай сайдыыта уонна уус-уран айымньытын киинин дириэктэрэ Колпашникова Вера Дмитриевна.

Сахалыы тыыннаах доҕуһуоллаах ылбаҕай ырыанан киэргэттилэр Хамаҕатта нэһилиэгиттэн "Түһүлгэ" фольклорнай бөлөх (сал. Кудрина О.М.) .

Саха инструменнарын оҥордо Хамаҕатталар уус киһибит (кырыымпа, дүлүҥ күпсүүр, муос) - Захаров Руслан Афанасьевич.

Быыстапка үөрүүлээх аһыллыытын сценарийын суруйда, ыытта - Гаврильева Т.М.