Нам улууһун маастардарын семинара

Сэтинньи 24 күнүгэр, Нам селотун Олоҥхо дьиэтигэр, "Олоҥхо" декадатын чэрчитинэн улуус маастардарыгар семинар ыытылынна. Семинарга "Түһүлгэ" сынньалаҥ киин «Фольклорнай коллективка национальнай инсруменнары оҥорон таһаарарга» улуус гранын ылбыт проегын отчуоттаата. Хамаҕатта нэһилиэгин тарбаҕар талааннаах уус Руслан Захаров бэйэтэтин чинчийиитинэн, сахалыы ньыманы тутуһан оҥорон таһаарбыт инструменнарынан (үс араас дорҕоонноох, араас ньыманан оҥоһуллубут кырыымпа, икки "Дүлүҥ" күпсүүр, 4 араас тыастаах муоһунан "Сахсыыр") "Түһүлгэ" фольклорнай бөлөх норуот ырыаларын доҕуһуоллаан иһитиннэрдэ. Итиэннэ саха инструменынан доҕуһуоллаах ырыа, ырыа ис хоһоонун тиэрдэргэ, тэтимин тутарга табыгастааҕын, ырыаны киэргэтэрин, тупсарарын тыыннаахтыы оонньоон бигэргэттилэр.