"А5А СЫЛЫН- 2017" ТУМУКТУУР ТЭРЭЭЬИН

Ахсынньы 6 кунугэр Аҕа сылын түмуктүүр сонун тэрээһин "Эркин" түмсүү көҕүлээһининэн буолан ааста.

2017 сыл түмүгүнэн бастыҥ актыыбынай аҕалары чиэстээтилэр. Манна түөлбэлэртэн 5-тии киһилээх эр дьон хамаандатын икки ардыларыгар тыҥааһыннаах уонна көхтөөх күрэхтэһии ыытылынна. Маны таһынан 5 түөлбэ эр дьоно дьиэтээҕи сорудах бэрээдэгинэн "Саха аһа" куонкуруска араас аһы (бултан-алтан, ынах, сылгы, убаһа идэһэттэн, үрүҥ астан) буһаран, бэлэмнээн аҕалан остуолларын киэргэтэн көмүскээтилэр. Дьүүллүүр сүбэ быһаарыытынан бары анал аатынан, наҕараадаланнылар. Тумугэр бары кэлбиттэр фуршеттаан амсайдылар. Түөлбэлэр дьиэ кэргэттэрин сааһыттан хааччаҕа суох эр дьон сайыҥҥы үлэлэрин, сайыҥҥы сынньалаҥнарын (улууспут, нэһилиэкпит, Сахабыт сирин кэрэ-бэлиэ сирдэринэн, Арассыыйа, омук сирдэригэр сылдьыбыт), быйылгы булт-алт, Байанай бэлэҕин көрдөрөр түгэннэриттэн, ону таһынан түөлбэлэр олохторун көрдөрөр хаартыскалары хомуйан слайданан уонна туруоруу быыстапканан көрдөрдүлэр. "Эркин" түмсүү уонна түөлбэлэртэн эр дьон эҕэрдэ нүөмэр бэлэмнээн иһитиннэрдилэр. Тэрээһин бүтүүтэ бары биир сомоҕо буолан оһуохайга кыттан үөрэн-көтөн түмүктээтилэр.