Е.М.Феофанов - 85 сааһа

Олунньу 16 күнүгэр Нам улууһугар биир дойдулаахпыт Чурапчыттан төрүттээх үлэ, тыыл, спорт уонна сцена ветерана Егор Михайлович Феофанов 85 үбүлүөйдээх cааһын бэлиэтээтэ. Эдэриттэн аатырбыт сүүрүк, хайыһардьыт, волейболист, дуобатчыт, улуус, республика чемпиона, Чурапчы, Таатта, Нам улуустарыгар физкультура учууталынан үйэ чиэппэрэ үлэлээн кэлбит ылбаҕай ырыаһыт, дорҕоонноох тойуксут, хомуһуннаах хомусчут, «Аан дархан» оһуохайдьыта, нэһилиэкпит алгысчыта, артыыһа, хомоҕой хоһоонньута, бэйиэтэ быһыытынан биллэринэн киэн туттабыт.