"Ааттаах олонхоьуттар аартыктарынан...

Олунньу 3 күнүгэр 12 чаастан Хамаҕатта "Кэскил" балаҕаныгар Олоҥхо ыһыаҕын көрсө, филология наукатын кандидата, Республикаҕа "Ыччат олоҥхоһуттар" түмсүү салайааччыта, олоҥхоһут Юрий Борисов "Ааттаах олоҥхоһуттар аартыктарынан, ытык кырдьаҕастар ыллыктарынан" диэн бырайыагынан кэлэн олоҥхолоото. Нэһилиэк олохтоохторо олоҥхону толору истэн, сэҥээрэн, сэргээн саҥа бырайыагы өйөөн, салҕыы сайдарыгар баҕа санааларын этэн-тыынан астынан бардылар.