"Баара кымыс амтана, Олох дьикти амтана"

"Түһүлгэ" норуот айымньытын киинин фольклорга жанрын специалиһэ Оксана Кудрина - Күбэйэ ыам ыйын 24 күнүгэр Хамаҕатта нэһилиэгэр "Баара кымыс амтана, Олох дьикти амтана" отчуоттуур, дьүһүйүү кэнсиэрэ буолан ааста. Кэнсиэргэ "Түһүлгэ", "Иэмэх" фольклор бөлөхтөрө, "Ситим" бөлөх олоҥхоһуттарыттан Егор Леонтьев, "Күбэй" эбээлэр түмсүүлэрэ, "Айыы Хотун" үҥкүү түмсүүтэ уонна Любовь Андросова салайааччылаах "Ретро Данс" үҥкүү народнай коллектива кыттыыны ыллылар.

Ол курдук Оксана Михайловна үөрэҕин бүтэрээт "Түһүлгэ" норуот айымньытын киинигэр 2006 сыллаахтан үлэлиир. Санатан эттэххэ, Күбэйэ фольклор жанрыгар үлэлэспитэ номнуо 10 сыл буолла. Ол курдук норуот айымньытын киинин дириэктэрэ Антонина Харитонова Оксана Кудрина айар үлэ араас хайысхатыгар бары өттүнэн талааннааҕын, тарбахха баттанар үлэһит буоларын этэр, сыаналыыр.

Бүгүҥҥү күҥҥэ фольклор жанрын специалиһа нэһилиэнньэни фольклорга дьарыктыыр. Ону таһынан, баҕалаахтары үҥкүүгэ үөрэтэр, уһуйар.