Нам улууһун хамаандатын Амма улууһугар Саха өрөспүүбүлүкэтин норуоттарын VII-с спартакиадатыгар атаа

От ыйын 3-8 күннэригэр Амма улууһун Амма сэлиэньэтигэр СР норуоттарын VII-с спартакиадата ыытыллар. От ыйын 2 күнүгэр Нам улууһун хамаандатыгар алгыс иҥэрэн, арыылаах алаадьынан айах тутан, кыайыы оһуохайын үҥкүүлээн Саха сирин Олимпийскай оонньууларынан билиниллибит күрэхтэһиигэ атаарыыны “Түһүлгэ” норуот айымньытын киинин үлэһиттэрэ үрдүк таһымҥа ыыттыбыт.

Спорстменнары атаарыы күнүгэр Нам улууһун алгысчыта Петр Охлопков алгыстаата, ону тэҥэ кыттыыны Партизан нэһилиэгиттэн “Дьүрүл” народнай фольклорнай ансаамбыл уонна Хамаҕаттаттан “Түһүлгэ” фольклорнай ансаамбыл ыллылар. Наммыт улууһун спортсменнара кыайыы көтөллөөх айаннаан кэлэллэригэр бөҕөх санааны иҥэрэн, кыайыыга кынаттаан Амма сиригэр-уотугар атаардыбыт.