Ыалдьытымсах Нам улууһугар XIII Өрөспүүбүлүкэтээҕи Олоҥхо ыһыаҕа

Бэс ыйын 20-21 күннэригэр ыалдьытымсах Нам улууһугар XIII Өрөспүүбүлүкэтээҕи Олоҥхо ыһыаҕа буолан ааста.

Күүтүүлээх Олоҥхо ыһыаҕар Хамаҕатта нэһилиэгин дьоно-сэргэтэ көхтөөх кыттыыны ылыахтарын ыллылар. Ол курдук Өрөспүүбүлүкэтээҕи Олоҥхо ыһыаҕар биһиги нэһилиэкпититтэн биирдиилээн оруолларга кыттыыны ыллылар: Анна Заровняева, Дмитрий Алексеев уонна Егор Леонтьев.

XIII Өрөспүүбүлүкэтээҕи Олоҥхо ыһыаҕа өссө тупсан, киэркэйэн көстөрүгэр, Нам улууһун хас биирдии нэһилиэгэ бэйэ көмөтүн оҥорбута, күүһүн уурбута. Манна хамаҕатталар 30 олбоҕу тигэннэр, 100 саламаны баайаннар уонна уон мас чороону оҥороннор, бэйэлэрин сэмэй кылааттарын киллэрбиттэрэ. Ону тэҥэ Өрөспүүбүлүкэтээҕи Олоҥхо ыһыаҕын күннэригэр, Хамаҕатта нэһилиэгэр Уус Алдан уонна Абый улууһун делегациялара бастыҥ ыалдьыт быһыытынан сылдьыбыттара, олорбуттара.

"Оһуохай үҥкүүтэ - түһүлгэ үөрүүтэ" күрэххэ Анастасия Кокорева ыччаттарга - "Кэскиллээх этээччи" анал ааты ылла. (Анастасия Кокорева хаҥастан иккис).

О5олорго олонхо аа5ыытыгар Кутукова Алина «Дьырыбына Дьырылыатта кыыс бухатыыр» олонхоттон быьа тардан аахта. Олонхо ыьыа5а-2019

Олоҥхо ыһыаҕын кэмигэр ыытыллыбыт үгүс күрэхтэһиилэртэн, биир күн устата барбыт чабырҕахсыттар түһүлгэлэрин Хамаҕаттатааҕы "Түһүлгэ" норуот айымньытын киин үлэһиттэрэ иилээн-саҕалаан ыыппыттара элбэҕи этэр. Бэлиэтээн эттэххэ, өрөспүүбүлүкэтээҕи чабырҕах күрэҕэр биһиги нэһилиэктэн түөрт бөлөх кыттыыны ылбыта. Күрэх түмүгүнэн "Түһүлгэ" фольклорнай бөлөх бастыҥынан ааттаммыта.