Норуот сомоҕолоһуутун Күнэ Россия уонна Саха сирин инникитэ

Хамаҕаттатааҕы “Эрчим” спорт комплексыгар норуот сомоҕолоһуутун Күнүгэр аналлаах үөрүүлээх тэрээһин, нэһилиэк тэрилтэлэрин икки ардыларыгар “Көрдөөх стартар” күрэхтэһии буолан аастылар.

“Түһүлгэ” норуот айымньытын киинин аатыттан мустубут дьону “Гвоздика” агитбригада эҕэрдэлээтэ. Манна патриотическэй тыыннаах хоһооннор ааҕылыннылар уонна Норуоттар сомоҕолоһууларын Күнүгэр сыһыаннаах ырыалар ылланылар. “Көрдөөх стартар” күрэхтэһии кыайыылаахтара грамотанан, мэтээлинэн наҕараадаланнылар уонна минньигэс торт илии тутуурдаах бардылар.