Эдэр ийэлэр “Кэл, олор, оонньуох!” оонньууллар

Сэтинньи 8 күнүгэр “Түһүлгэ” норуот айымньытын киинигэр Ийэ күнүн чэрчитинэн “Кэл, олор, оонньуох!” диэн ааттаах-суоллаах хамаанданан оонньуу-тэрээһин буолан ааста.

“Кэл, олор, оонньуох!” оонньууга Хамаҕатта нэһилиэгин аҕыс сэргэх, булугас өйдөөх эдэр ийэлэрэ көхтөөх кыттыыны ыллылар. Ол курдук эдэр ийэлэр икки хамаандаҕа арахсан биэс түһүмэххэ, толкуйдуур дьоҕурдарын холоһон, араас быһыыттан-майгыттан түргэнник тахсалларын көрдөрдүлэр, көрү-нары көҕүлүттэн туттулар. Түмүккэ, ийэлэр күлэн-үөрэн, бэйэлэрин кытта хоро кэпсэтэн улаханнык астынан бардылар.

Бэлиэтээн эттэххэ, сонун оонньуу олохтоох дьаһалта дьиэтин эдэр ыччаты кытта үлэлэһэр специалист, Валентин Абрамов көҕүлээһининэн барда. Дьоро киэһэ үөрүүлээх быһыытыгар-майгытыгар, Валентин Васильевич кыттыыны ылбыт аҕыс эдэр ийэҕэ махтал суруктары туттарда.