Кэскил.Таптал. Ис-кэрэ. Ил-Эйэ

“Түһүлгэ” норуот айымньытын киинигэр сэтинньи 30 күнүгэр Россия Ийэлэрин күнүн көрсө «Кэскил.Таптал. Ис-кэрэ. Ил-Эйэ” бырааһынньыктааҕы тэрээһин ыытылынна. Бу күн алта эдэр ийэ кыттыыны ылла. Тэрээһин алта түһүмэҕинэн ыытылынна.

1 түһүмэх – Көрүҥ.Билсиҥ.Сэҥээриҥ- анал анкетанан эдэр ийэлэри ыытааччылар билиһиннэрдилэр.

2 түһүмэх – Сир-дойду кэрэтэ-Хамаҕатта- төрөөбүт, олохсуйбут Хамаҕатталарын туһунан эссе суруйбуттарын ааҕан иһитиннэрдилэр.

3 түһүмэх – Сатабыл.Түргэн.Туттуу – бу түһүмэххэ 2020 сыл символын – Кутуйаҕы, Анна Заровняева бэлэмнээбит выкройкатынан елка оонньуурун тиктилэр.

Тэрээһиммит 4 - дүс түһүмэҕин биһиги “Үөрэнним. Биллим. Сатаатым» диэн ааттаан ыыттыбыт – бу түһүмэххэ алтыс разрядтаах шеф - повар, «Тыгын Дархан” рестораҥҥа алта сыл үлэлээн, Иннокентий Тарбахов оскуолатын ааспыт, Сахаяна Николаевна Заровняева кыргыттарга «Корвинг» диэн ньыманан фрукта уонна оҕуруот аһыттан бүлүүдэни киэргэтэргэ эрдэ маастар кылаас ыыппыта. Ол чэрчитинэн, Ийэлэрбит үөрэммит, ылбыт билиилэрин туһанан бүлүүдэни киэргэтэн аҕалбыттара. Сыаналаабыта Сахаяна Заровняева

Талаан уонна дьоҕур – бэһис түһүмэххэ

1.2 оҕо ийэтэ - Варя Винокурова - оҥоһуктарын брошьтары уонна сахалыы олбохтору тикпитин көрдөрдө, билиһиннэрдэ.

2. 5 оҕо ийэтэ - Никитина Наина - Саргылаана Гольдерова «Иэйиэхсит айылҕа» хоһоонун аахта

3. 3 оҕо ийэтэ - Антонина Абрамова - «Түһүлгэ» фольклорнай бөлөх кыргыттарынаан Мария Кудрина суруйуутугар “Аныгы кыргыттар мэтириэттэрэ» чабырҕаҕын чабырҕахтаата.

4. 3 оҕо ийэтэ - Саргылаана Зоирова сахалыы таҥас арааһын тикпитин дьон сэҥээрэ көрдө.

5. 2 оҕо ийэтэ - Марина Корякина айанын туһунан кэпсээтэ. Саргылаана Гольдерова «Түннүктэн көстөрө тырымнас харыйа» хоһоонун Саҥа Дьылынан эҕэрдэлээн иэйилээхтик толордо.

6. 3 оҕо ийэтэ - Катарина Колесова уонна кини дьиэ кэргэнэ хомуска сахалыы матыыбынан тэрээһини сэргэхситтэ.

6 түһүмэх – Кэм.Муода.Стиль

Ийэлэрбит дьахтар киэһээҥҥи былааччыйатын кэтэн кэрэтийэн тахсыбыттара, көрөөччүнү үөртэ да, кэрэхсэттэ да.

Тэрээһин түмүгүнэн – «Сайдам Ийэ» - Антонина Абрамова, “Истиҥ Ийэ”- Наина Никитина, ”Далбардаах Ийэ”- Марина Корякина, ”Уран Ийэ” – Варя Винокурова,”Сатабыллаах Ийэ”- Саргылана Зоирова, ”Талба Ийэ” – Катарина Колесова анал аттаах лиэнтэни кэттилэр.