Нам улууһун бастыҥ хаһаайыстыбанньыга Владимир Герасимов саҥа хотону үлэҕэ киллэрдэ

Хамаҕатта нэһилиэгэр ахсынньы 18 күнүгэр Владимир Герасимов салайааччылаах “Сэргэ” бааһынай хаһаайыстыба аныгы ирдэбилгэ эппиэттиир хотоно үлэҕэ киирбитин бэлиэтиир үөрүүлээх тэрээһинэ, арыллыыта буолан ааста.

Бу күн аныгылыы тутуулаах хотоҥҥо Саха республикатын Тыатын хаһаайыстыбатын миниистирэ Александр Атласов, Нам улууһун, Хамаҕатта нэһилиэгин баһылыктара Юрий Слепцов, Иван Максимов, ООО хааччахтаммыт “Основа” тэрилтэ салайааччыта Юрий Попов ыалдьыт буоллулар, эҕэрдэ тылларын, баҕа санааларын эттилэр. Салгыы, саҥа хотон өрс сылларга тахсыылаахтык үлэлииригэр, ынах-сүөһү үксүү турарыгар бэйэтин тылын Нам улууһун алгысчыта Петр Охлопков-Алгыс Бүөтүр иһитиннэрдэ, алгыс тыл эттэ.

Саҥа үйэҕэ эппиэттиир хотон үөрүүлээх арыллыытын кэнниттэн, бааһынай хаһаайыстыба салайааччыта Владимир Афанасьевич ыалдьыттарын “Кэскил” балаҕаҥҥа тардыллыбыт сахалыы маанылаах остуолугар ыҥырда. Ыалдьыттар, улуус бөдөҥ кэтэх, бааһынай хаһаайыстыбалара биирдиилээн “Сэргэ” бааһынай хаһаайыстыбаҕа баҕа санааларын эттилэр, ырыа бэлэх ууннулар. Ону тэҥэ, Люция Герасимова чугас аймахтара урукку сыллартан Герасимовтар дьиэ кэргэн туруу үлэһит дьиэ кэргэн буолалларын бэлиэтээтилэр, ахтан-санаан аастылар. Кырдьык даҕаны, Владимир Герасимов Хамаҕатта, Нам улууһа киэҥ туттар киһитэ. Киһи эрэ барыта санаммат күүстээх үлэҕэ ылсан үлэлиирэ хайҕабыллаах дьыала.

Тэрээһин түмүктэниитэ хас биирдии ыалдьыт "Сэргэ" бааһынай хаһаайыстыбаттан үрүҥ ас илии тутуурдаах, астына-дуоһуйан тарҕастылар