Улуу Кыайыы 75 сыла Хамаҕаттаҕа

Ыам ыйын 9 күнүгэр "Түһүлгэ" норуот айымньытын киинин уонна олохтоох дьаһалта үлэһиттэрэ, баһылык Иван Максимов салалталаах массыынанан нэһилиэк устун, радиорубка көмөтүнэн нэһилиэк дьонун эҕэрдэлээтилэр.

Бу күн Хамаҕатта хас биирдии түөлбэтин ыала айаннаан иһэр массыынаны дьиэлэрин таһын киэргэтэн уруйдаатылар-айхаллаатылар.

Улуу Кыайыы ыйын устата "Түһүлгэ" норуот айымньытын киинэ "Кыайыы күнүгэр бары бииргэ!" диэн ааттаах-суоллаах марафоҥҥа кыттыбыт дьон видеотун инстаграм страницатыгар сырдатан таһаарда.

Улууска ыытыллыбыт "Полотно Победы" акцияҕа Хамаҕатта нэһилиэгэ олохтоохторо бары биир киһи курдук санааларын ууран, олус эппиэтинэстээхтик сыһыаннаһан үлэлэспиттэрэ хайҕабыллаах. Ол курдук биэс түөлбэ, биэс тэрилтэ, икки түмсүү сүүс биэс уон икки Улуу Кыайыыны уһансыбыт буойуттарбытын үйэтитэргэ бары күүстэрин уурдулар.