Хамаҕатта бэтэрээннэрэ Улуу Кыайыы 75 сылыгар үбүлүөйүнэй мэтээллэринэн наҕараадаланнылар

Хамаҕатта нэһилиэгэр балаҕан ыйын 9 күнүгэр үөрүүлээх тэрээһин буолан ааста. Ол курдук нэһилиэк дьоно-сэргэтэ ытыктыыр бэтэрээннэригэр, сэрии сылын оҕолоругар “Нам улууһа” МТ Улуу Кыайыы 75 сылынан үбүлүөйдээх мэтээллэрин туттарыытын күнэ буолла.

Ытык кырдьаҕастарга мэтээллэри туттарыы үөрүүлээх тэрээһинэ маҥнай “Кытыл” түөлбэ бэтэрээннэригэр Макар Жирков пааматынньыгар Хамаҕатта нэһилиэгин дьаһалтатын уонна Норуот айымньытын киинин үлэһиттэрэ үөрүүлээх быһыыга-майгыга туттардылар. Салгыы, “Хардыы”, “Арыы-Тиит”, “Үрдэл” түөлбэлэр бэтэрээннэригэр мэтээллэринэн наҕараадалаатылар.

Бэлиэтээн эттэххэ, буолбут тэрээһин, биллэрин курдук, бары миэрэлэри тутуһан Хамаҕаттабыт түөлбэлэринэн анаммыт сирдэринэн, миэстэлэргэ ыытылынна.