«Оҕо махтала, таптала – күн көмүс Ийэҕэ»

Алтынньы 23 күнүгэр, Саха сиригэр Ийэ күнэ чэрчитинэн, Нам улууһун дьиэ кэргэттэригэр «Сибээскэ-биһиги дьиэ кэргэн!» "ViCall-GAME" («Игра-видеозвонок») оонньуу ыытылынна. Сэргэх оонньууну, Хамаҕатта нэһилиэгин "Түһүлгэ" норуот айымньытын киинин уонна олохтоох библиотекатын үлэһиттэрэ улуус таһымыгар III төгүлүн оонньотоллор.

Бу күн, кыттыыны ылбыт биэс ыал "Великие любовные истории"; "Знаменитые женщины мира"; "Мамы в сказках"; "Комплимент маме"; "Логотипы известных брендов"; "Женщина - саха" диэн түһүмэхтэргэ сэргэх оонньууну көрдөрдүлэр.

Оонньуу түмүгүнэн, бары түһүмэххэ сөптөөх хоруйдары биэрбит ДОРОФЕЕВТАР (уоллара Богдан, Сахая, Арсен) дьиэ кэргэн, "Тик-так" хамаанда кыайыылааҕынан ааттанна. Салҕыы, Назаровтар ("Победа"), Зоировтар ("Zara"), Салбаҥ нэһилиэгиттэн Петровтар ("Ньургуһуннар"), Түбэттэн Ивановтар ("Космонавты") дьиэ кэргэттэрэ оонньууну сытыырхатан, көхтөөх кыттыыларын иһин туоһу суруктары туттулар. "Биһигинниин бииргэ буолбут, Наммыт улууһун түмсүүлээх уонна иллээх ыалларыгар махталбытын тиэрдэбит. Бэлиэтээн эттэххэ, улууспут уһук сытар нэһилиэктэриттэн санааларын ууран кытталлара хайҕабыллаах. Инникитин да, улууспут дьонун-сэргэтин санаатын өрө көтөҕөргө кыһаллыахпыт, үлэлиэхпит", - диэн тэрийээччилэр махталларын биллэрэллэр.