Сайыҥҥы дьарык лааҕырдар

«Түһүлгэ» норуот айымньытын киинин иһинэн бэс ыйын 1 күнүттэн, бэс ыйын 14 күнүгэр дылы, «Дьэргэлгэн» уонна «Күн түһүлгэтэ» диэн сайыҥҥы дьарык лааҕырдара үлэлээтилэр. Гаврильева Т.М. салайааччылаах «Дьэргэлгэн» лааҕыр оҕолору сатаан сахалыы саҥарарга, хоһоон, үгэ ааҕарга уонна ырыаҕа дьарыктаата, үөрэттэ. Уопсайа 10 оҕо суруттаран сырытта. «Күн түһүлгэтэ» лааҕыры Кудрина О.М. салайда. Бу лааҕырга оҕолор үҥкүүлээтилэр, чабырҕахтаатылар, хомустаатылар, саха норуотун инструменнарыгар оонньуу үөрэннилэр. 12 оҕо сырытта. Уопсайа 22 оҕо, Намтан, Хамаҕатта орто оскуолатыттан, Саха боронсуус лиссиэйиттэн сырыттылар. Лааҕырдар сарсыарда 10 ч – 12.30ч – кыра о5олорго, 14ч – 16ч улахан оҕолорго хайысхаларынан арахсан, анал былаан оҥостон үлэлиири ситистэ. Ыһыах күн Саина Соловьева «Сибэкки эбиппин», Сайаана Атласова «Ыһыах» диэн хоһоон аахтылар. Петров Миша, Афанасьев Вадим «Ордуос Борбуос» диэн Б. Уһунуускай-Сэки үгэтин оруолларга арахсан, куоластарын уларытан аахтылар. «Дьэргэлгэн» саҥа тэриллибит ырыа ансаамбылыгар Васильева Кристина, Кутукова Алина, Павлова Айлаана, Попова Нелли, Соловьева Саина, Атласова Сайаана, Михайлова Виталина, Сивцева Вера “Сырдык ырыа” диэн Уля-Сергучева-Күннэй ырыатын куоласка арахсан ыллаатылар. Кудрина Айыына, Сивцева Арина, Винокурова Влада, Бурнашева Сайнаара, Христофорова Сандаара, Винокурова Айлина “Саха төрүт оонньуута” М.Герасимова – Сэҥээрэ чабырҕаҕын аахтылар. Охлопков Данил, Эверстова Маша, Кокорева Оксана хомустаатылар. Москвитин Вася, Волгин Вадим,.Кривошапкин Артем инструмеҥҥа оонньоотулар. Лааҕыры түмүктээбит оҕолорбутугар алгыс тыллардаах эҕэрдэ сурук, сэмэй бэлэхтэри туттартаатыбыт, минньигэс фруктанан күндүлээтибит. Хас биирдии оҕо тугу сатаабытын муз.нүөмэрдэринэн көрдөрөн төрөппүттэрин үөртүлэр. Саҕалааһын баарыттан үөрэбит эрэ, кэлин «кулууб оҕолоро» буолан, бэйэ-бэйэни көрөн, истиһэн элбииллэригэр баҕа санаалаахпыт, эрэллээхпит. Төрөппүттэрбитигэр улахан махтал тылларын тиэрдэбит, оҕолору хойутаппакка ыытан, ватсаап группатыгар тэҥҥэ сүбэлэһэн, тэрийэр үлэбитигэр күүс-көмө, тыл-өс буолбуттарыгар махтанабыт.

Гаврильева Т.М.