“Түһүлгэ” норуот айымньытын киинэ ыҥырар

“2020-2025 сылларга тыа сирдэрин сайыннарыы” государственнай программанан, “Тыа сирин аныгы көстүүтэ” хос программанан, “Дьиэ, тутуу капитальнай өрөмүөнэ” бырайыак чэрчитинэн Нам улууһун Хамаҕаттатааҕы “Түһүлгэ” норуот айымньытын киинигэр 2021 сыл сайыныгар күүстээх капитальнай өрөмүөн ыытыллара былааннанар. Бэлиэтээн эттэххэ, аҕыйах сылтан бэттэх улууспут култууратын эйгэтигэр саҥа баараҕай тутуулар бара тураллара дьону эрэ барытын үөрдэр.

Ирдэбил быһыытынан, бырайыак олоххо киирэригэр, нэһилиэнньэ уонна (эбэтэр) юридическай сирэйдэр (чааһынай предпринимателлэр) булгуччулаах кылааттарын таһыма 10%-тан итэҕэһэ суох буолуохтаах диэн сокуон хараҕа этэр. Манна, уопсай бырайыак сумматыгар олохтоох бюджет 2% быраһыан көрүө.

Капитальнай өрөмүөн 9 мөл 858 тыһыынча солкуобайы ирдиир. Ол туһуттан, маннык улахан суумма тахсарыгар, “Түһүлгэ” норуот айымньытын киинэ 955 800 солк. бэйэтэ уйунан угарыгар ыарахан сыал-сорук турда. Билигин барыбытыгар ыарахан кэмнэр бүрүүкээн туралларын өйдөөн туран, “Сүгэ кыайбатаҕын, сүбэ кыайар” диэн этиини этэр тоҕоостоох күн үүннэ.

“Нэһилиэк сайдарыгар, дьон-сэргэ үчүгэйгэ-кэрэҕэ тардыһарыгар кулууп үлэтэ сүҥкэн улахан оруоллаах. Биһиги нэһилиэккэ оннук сиринэн буолар – “Түһүлгэ” норуот айымньытын киинэ. Ол курдук, Антонина Харитонова салайааччылаах коллектив нэһилиэнньэни кытта үлэҕэ, дьону түмэ тардан сынньатарынан эрэ муҥурдаммакка, дьон-сэргэ быһаччы кыттарын, киһи санаата көтөҕүллэн дууһата иэйиигэ ыллардаҕына, айар-тутар, саҥаны арыйар, дьоҕуру арыйар сыаллаах-соруктаах бэйэтин кэрэйбэккэ үлэлиир-хамныыр”, – диир Хамаҕатта нэһилиэгин Аҕа баһылыга Иван Максимов.

Этэллэрин курдук, ханна баҕарар үлэһит үлэлиир усулуобуйата бары өттүнэн үчүгэй табыгастаах буоллаҕына, кини үлэтэ тахсыылаах, үтүө түмүктээх буолар. Бастатан туран, тэрилтэ дьиэтэ-уота киһини угуйан ыҥырар тупсаҕай көстүүллэннэҕинэ, үгүс дьон курдаттыы таттаран кэлиэ турдаҕа.

“Хамаҕатта кулуубугар таарыллан ааспатах ахсааннаах. Улууспут, нэһилиэкпит араас көлүөнэ дьоно-сэргэтэ, уус-уран самодеятельноһын актыбыыстара, ылбаҕай ырыалары ыллаан, үөрдэр сыанкалары оонньоон, көтүтэр үҥкүүлэри үҥкүүлээн бэлэхтээбит бар дьоммут, сайдыыга талаһар сайаҕас күндү көрөөччүлэрбит, “Саргылыы, түмэ тур, Түһүлгэбит!” марафон-акцияҕа кыттыахтара, өйдөөн өйүөхтэрэ диэн бигэ эрэллээхпит. Сынньалаҥ кииммитигэр кылааккын киллэрэн кытын, биһигинниин бииргэ буол. Эн көмөҥ улахан көдьүүһү оҥоруо, эн кылаатыҥ үтүөнү аҕалыа. Бастакынан көмө оҥорбут Канаева Лариса Спиридоновнаҕа махталбытын тиэрдэбит!”, – диэн Антонина Алексеева баҕа санаатын үллэстэр.

“Тапталлаах Хамаҕаттабытын кэрэҕэ-сырдыкка эрэ уһуйар, олох сайдыытын салгынын киэҥник тыыннарар, иитэр, көрдөрөр уонна тарҕатар кииммит кулууп буолар. Мин төрүт Хамаҕатта буоларым быһыытынан, бу кулуубу киһини өйдүөхпүттэн билэбин. Туох баар нэһилиэкпит дьоно түмсэн алтыһар ытык дьиэлэрэ. Төһөлөөх киһи төлөннөөх тыллара, эрчимнээх этиилэрэ, ылбаҕай ырыалара, хомоҕой хоһоонноро дуораһыйан ааспытын, арай, кулууппут истиэнэтэ иҥэрэн турдаҕа”, – диир “За вклад в развитие народного художественного творчества РС (Я)” бэлиэ хаһаайына Руслан Захаров.

“Кулууп – биһиги дьоллоох оҕо, эдэр сааспыт арахсыспат аргыһа. Кырдьар сааска тыыны уһатар, эмтиир сир симэҕин сүмэһинэ” диэн РСФСР үөрэҕириитин туйгуна, ветеран учуутал Тамара Ивановна Бурнашева бэрт мындырдык этэн турардаах.

Реквизиты:

Харитонова Антонина Алексеевна – Директор МБУ «ЦНТ «Тусулгэ»

Номер телефона прикрепленный к Сбербанк онлайн: 8 924 568 66 02

Кудрина Ольга Николаевна – Главный бухгалтер МО «Хамагаттинский наслег»

Номер расчетного счета прикрепленный к Сбербанк онлайн: 4276 7600 1525 5118

Платеж по реквизитам для физических и юридических лиц:

Получатель: УФК ПО РС (Я) (Наслежная администрация МО «Хамагаттинский наслег»)

л/с 04163207600

ИНН 1417002010

КПП 141701001

Банк: ОТДЕЛЕНИЕ-НБ РЕСПУБЛИКА САХА (ЯКУТИЯ) БАНКА РОССИИ//УФК по Республике Саха (Якутия) г.Якутск

БИК: 019805001