«Түөлбэ көхтөөх Ийэлэрэ»

СӨ Ийэ сылыгар аналлаах Ыһыахпыт биир сэргэх тэрээһининэн «Түөлбэ көхтөөх Ийэлэрэ» диэн нэһилиэх биэс түөлбэтин ийэлэрин икки ардаларыгар күрэх буолла.Түөлбэттэн үстүү эдэр ийэлэр 5 түһүмэҕи тургутан көрдүлэр. Ол курдук, сэрэбиэй бэрээдэгинэн, талбыт нүөмэрдэринэн кытыннылар: бастакынан «Үрдэл» түөлбэттэн Екатерина Заболоцкая, Айталина Никифорова, Мария Попова, иккиһинэн «Хардыы» түөлбэттэн Анастасия Пухова, Мария Соловьева, Сардаана Андреева, үсүһүнэн «Кытыл» түөлбэттэн Лена Кривошапкина, Валентина Иванова, Лена Бурнашева, төрдүһүнэн «Сайдам» түөлбэттэн Сардана Алексеева, Наталья Петрова, Ульяна Тимофеева уонна бэсиһинэн «Арыы Тиит» түөлбэттэн Нина Ачикасова, Мария Тимофеева, Розалия Новгородова кытыннылар. Күрэх балаһыанньатынан түөлбэлэрин уустаан-ураннаан билиһиннэрдилэр, музыкальнай түһүмэххэ анал тиэмэ талан ырыалары ыллаатылар, “ферма кыргыттара” диэн түһүмэххэ сэппэрээтэри ыстылар, хомуйдулар, илиилэрин иминэн аска туттуллар бородуукталары (курууппалары, тууһу, суоданы уо.д.а), иистэнэргэ сөптөөх матырыйаал арааһын таайдылар, ону тэҥэ Ыһыах киэргэлин саламаны ойууну үтүгүннэрэн хаачыстыбалаахтык баайдылар. Дьүүллүүр сүбэ састаабыгар: Иванова Л.В.- бэрэссэдээтэл, улуустааҕы “Далбар Хотун – 2016” куонкурус “Талба Хотун -2016” анал аат хаһаайката, ырыаьыт, элбэх ырыа ааптара, Уодай В.Г.- “Эркин” аҕа түмсүүтүн салайааччыта, Аманатова М.Н. – улуустааҕы “Алаас Хотуна” кыайыылааҕа, Республикатааҕы “Далбар Хотун-2019” куонкурус “Мааны Хотун” анал аат хаһаайката, бэйэтэ көҕүлээн тэрийбит “Сөрүө” түмсүү салайааччыта, Сунтаров А.Ю.- олохтоох дьаһалта ыччаты кытта үлэҕэ специалиһа үлэлээтилэр. Күрэх түмүгүнэн - «Арыы -Тиит» түөлбэ (сал.Зоирова С.И.) - I миэстэ, «Үрдэл» түөлбэ (сал. Саввинова Е.Г.) - II миэстэ, «Сайдам» түөлбэ (сал. Ушницкая Л.Д.) - III миэстэ, «Кытыл» түөлбэ (сал.Винокурова В.Р.) - IV миэстэ, «Хардыы» түөлбэ (сал. Андреева С.Д.) - V миэстэ буоллулар. Кыттыбыт хамаандалар бары Ийэлэригэр дипломнар, хаһаайкаҕа сөптөөх сыаналаах бириистэр туттарылыннылар. Аны да маннык түөлбэ доҕордоһуутун, интэриэһин тардар сэргэх тэрээһиннэр буола туралларыгар, салайааччылар, ийэлэр, олохтоохтор баҕа санааларын тиэртилэр. Бу курдук, түмсэн, кыттан нэһилиэк култуурунай олоҕун тэнитэ, байыта, кэрэ кэпсээҥҥэ тиһэн иһиэҕиҥ биир дойдулаахтарбыт Хамаҕатталар!

Гаврильева Т.М.