Хамаҕаттаҕа олбуор таһын киэргэтиигэ көрүү күрэх

Саха сирэ Дойдуга бүрүүкээбит балаһыанньанан, Улуу Кыайыы күнүн 2021 сыллаахха дьиэтигэр олорон ылла. Ол курдук, Хамаҕатта нэһилиэгин олохтоох дьаһалтата уонна “Түһүлгэ” норуот айымньытын киинэ нэһилиэк ыалларыгар “Улуу Кыайыы күнүнэн!” диэн олбуор киэргэтиитигэр көрүү күрэх ыытылларын биллэрбитэ. Ыам ыйын 6-10 күннэригэр ыыттыллыбыт бырааһынньыктааҕы олбуор күрэҕэр Хамаҕатта дьоно-сэргэтэ көхтөөх кыттыыны ылан, бэлиэ күҥҥэ ураты эйгэни олохтообута.

“Улуу Кыайыы күнүнэн!” көрүү күрэххэ, Кыайыы күнүгэр анаммыт бастыҥ ис хоһоонноох олбуорунан ааттаннылар: “Кытыл” түөлбэттэн Татьяна Лукина; “Хардыы” түөлбэттэн Дмитрий Алексеев уонна кини кэргэнэ Анна Заровняева. Биирдиилээн ыал олбуорун таһын киэргэтиигэ иккис миэстэни Афанасий Пестряков, Вера Дьячковская (“Кытыл” олохтоохторо) уонна Маргарита Мокрощупова (“Арыы-Тиит”) үллэһиннилэр. Улуу Кыайыы суолтатын үрдүктүк тутууга ананан ыытыллыбыт көрүү күрэххэ үһүс бочуоттаах миэстэни Василий, Айталина Никифоровтар дьиэ кэргэн (“Үрдэл”) уонна Анна Гоголева (“Кытыл”) ыллылар.

"Хардыы" түөлбэҕэ олорор дьиэ кэргэн. Анна Захаровна уонна Дмитрий Иванович олбуордара

"Кытыл" түөлбэ олохтооҕо Татьяна Афанасьевна киэргэтиитэ

"Арыы-Тиит" түөлбэ олохтооҕо Маргарита Дмитриевна

"Кытыл" түөлбэ олохтоохторо. Афанасий Афанасьевич уонна Вера Семеновна

"Кытыл" түөлбэ олохтооҕо Анна Иннокентьевна дьиэтин таһа

"Үрдэл" түөлбэҕэ олорор Айталина Яковлевна уонна Василий Сидорович Никифоровтар дьиэ кэргэн.

Эдэр көлүөнэ Герой норуотунан киэн тутуннун диэн суолталанан ыытыллыбыт “Улуу Кыайыы күнүнэн!” көрүү күрэх кыайыылаахтара “Дельфин” маҕаһыынтан сертификаттары туттулар: бастыҥ үлэлээхтэринэн ааттаммыт ыаллар 2500 солк.; иккис – 1500 солк. уонна үһүс – 1000 солкуобайдаах сертификаттарынан наҕараадаланнылар.

https://www.instagram.com/p/COu8s9nsGzm/?igshid=x4ez8kosvpa - инстаграм страница