“Чараас сытыы тыллаах чабырҕахпыт чаҥыйдын”

Чурапчы улууһугар “Айылгы” норуот айымньытын дьиэтигэр Мария Андреевна Герасимова-Сэҥээрэ 75 сааһын юбилейдаах бирииһигэр “Чараас сытыы тыллаах чабырҕахпыт чаҥыйдын” диэн чабырҕахха республикатааҕы күрэх буолбута. “Түһүлгэ” фольклор бөлөҕө аныгылыы чабырҕах аахпыт.

Ол курдук, оҕолор уонна улахан дьон чабырҕаҕы биирдиилээн уонна бөлөҕүнэн толорбуттар. “Түһүлгэ” норуот айымньытын киинин фольклорга специалиһа Оксана Кудрина иһитиннэриитинэн, бөлөх Петр Тобуруокап “Кэпсэтэллэр”, Иван Бубякин-Чөҥөчөк “Кулууб” уонна Татьяна Куличкина-Дедюкина “Дискэтиэкэ” айымньыларыгар үс чабырҕаҕы холбоон толорон үһүс миэстэ буолбуттар.

“Атын бөлөхтөр олус үчүгэйдик толороллорун биһирээн, сэргээн көрбүппүт. Мария Герасимова-Сэҥээрэҕэ таһымнаах дьоро киэһэни тэрийбитигэр махтанабыт. “Түһүлгэ” норуот айымньытын киинин аатыттан сибэкки дьөрбөлөөх, сэмэй бэлэхтээх тиийбиппит. Ону тэҥэ, олохтоох дьаһалтаҕа, “Түһүлгэ” норуот айымньытын киинигэр айан барыытыгар-кэлиитигэр көмө буолбуттарыгар, “Түһүлгэ” фольклор бөлөх махтанарын биллэрэр”, – диир Оксана Михайловна.